Gaguritan I Wayan Buyar

KUMPULAN TEMBANG / SEKAR ALIT
I WAYAN BUYAR

SINOM

SEMBAH PANGUBAKTIN TITIANG
RING BETARA HYANG MAMI
SANGIDER SARI ONGKARA
RING HREDAYA SUNIA JATI
PARASIDI MIWAH YOGI
SANG AMORING CINTIA SAMPUN
NGELUGRAHIN KADI TITIANG
NYERITA DAGING GURIT NIKI
MANGDA LANUS
MOGI TAN KNENG UPADRAWA

SINAMPURA ATUR TITIANG
MANTUK IDA DANE SAMI
APAN PANGKAHE KALINTANG
PONGAH MENGATURANG GURIT
I PUNGGUNG YE MAPI UNING
MEMANAH NULAD SANG WIKU
PASTIKA TAN MRESIDAYANG
KADI NGGUNG NGELINTANGIN JLADI
TONG KATUJU
YADIN DADOS KAKEDEKAN

GINADA

I WAYAN BUYAR KUCAPANG
IDEPE INGUH TAN SIPI
BEN TWARA MANYIDAYANG
SANG KSUMASARI DI GUNUNG
MANGGUH MANGODAG-ODAG
YE MELALI
SING BAJANG KAPELEGENDANG

SUBA BAKAT KAJELEKANG
IYE BUIN KALEBANG MALIH
BEN IDEPE NUNGKULANG
TREH BENDESA ULI ILU
ASING TEPUKIN MELAH
JEG MENGAMBIL
TUARA JA BUIN MAROBAH

MEMUDUH JANI MEMADAT
MEEBAT-EBATAN SAI
NANGING BAN YE MANGERAMPAS
BARAN-BRAN LUAS MENGANGGUR
IRINGANE SESELIRAN
DAHAG-DIHIG
CALIG ANGOP TUR MEMADAT

BAPAN YANE NEMBE PISAN
NGLEMEKIN PANAK NUTURIN
CENING EDA YE MEMADAT
NYIUP KOPI SINAH KEBUS
KEBUSE MANESIN AWAK
GELAH SAI
GUNA DADI PAKUTANGAN

PIANAK NYANE MADINGEHANG
MESAUT LAUT MANENGKIK
DE BAPA UAB-UAB
MABET-MABET NGABA TUTUR
BAPA MEARTA TWI KEDAAR
KRANA BATIS
BETEG SEMUG MAKEAWAK

BAPAN NYANE MESAUT NIMBAL
JUARI JA BAPA MAMUNYI
APAN MULA GLAH BAPA
ANGGON CAI KRANA PAYU
IYA JANI SUBA TELAH
DAAR CAI
PRAGAT DADI PAKUTANGAN

I WAYAN BUYAR NINGEHANG
GEDEG IDEPE TAN SIPI
GAREGETAN ANGKIHAN RUNTAG
MANGETOR MOANE SEBUH
MACEBUR LAUT MENYAGJAG
TUR MANUDING
MANGOROS LAUT MANYAKCAK

UMBAH HAYU TUI MEMATBAT
CICINGE MAKERE MATI
MASIH NGONGKONG IBA GALAK
TAGIHANG MATI MEGANTUNG
JANI APANG RASANINA
ENE TALI
LAUT NEGUL MAMEDEMANG

BAPAN NYANE  NANEG NIWANG
PEMADATE NYAGJAGIN
MAMUNYI PADA MALEPEHANG
JERO WAYAN SAMPUN BENDU
NGUDA AJI
KENEANG ANAK LINGSIR DANE SAMPUN SEPUH

I WAYAN BUYAR NGUAKANG
SWITRANE NGELUSIN
BAPANNYE NYAKITANG AWAK
LIMA NYELIH BABAK BELUR
SWITRANE WAYAN BUYAR
MANGOLASIN
NULUNG NGASABANG CENANA

WONG DESANE MADINGEHANG
SAKUUB RING KARANG BUNCING
LIU PADA MADEKESAN
NYESEL BAHANE KADURAS
MENYAYANGANG NGULURIN PANAK
ULING CENIK
TAKUTIN SAI TUUTANG

JANI KENE KEPALANYA
BELOG AJUM BES LEBIH
SUKEH BENA PENGANDENYA
BUKA ANAKE MANGUBUH
PANAK SAMPI MUANINE
MANGULURIN
NYAYANGANG SAI METAGAAN

GANCAN GEDE JAGIRAN
BINAL GALAK MEMALIKIN
MASIH DEPIN YE BUTUAN
KRANA YA TAN JANGKA NGELULU
MASIH DEWEKE LULUNA
PAYU SAKIT
NGARAD SAKIT PADIDIAN

ADA MESAUT TUI SAJA
WIREH PELIH BAN MEKELIN
BUKA ANAKE KE SAWAH
MAINDEK MAMULA PANTUN
TAU MOKOH NGLAH TANAH
MENGALAHIN
PACANG PADI NYANE MELAH

MEJUKUT TUARA JA NYAJAH
BEN CAGERE MUPU PADI
DADI JUKUTANE SAMAH
MOKOH DADI JUKUTANE LIU
TO AWANAN PADINE RUSAK
KETO JATI
ADE BUIN MESAUT NIMBAL

LIU SAJA PENGANDENYA
BUKA GELUNG KORI MUANG CANDI
KRANA EMBID DADI ABUNGKAH
TUMBUHIN BINGIN MUANG BUNUT
ENTIKAN NYANE TUI SAYANGANG
YA KENDEPIN
DADI BANGUNANE RUSAK

ANAKE PRADNYAN NUTURANG
KOCAP SALUIR GINANNYA SAMI
SAHANANING MARING JAGAT
SAMI REKA DADI URUK
DICENIKE MELAH URUKANG
BOYA BANI
MALIKIN PACANG NGELAWAN

Berbagi :