Kidung (Gita): Tatkala Mekerik Keramas dan Matabuh

KIDUNG (GITA) TATKALA MEKERIK KERAMAS

 

Purwa kaning toya wajik,

Luwir penastaan,

Wajik tangan suku,

Miwah toya kurah,

Toya rawup muang padiusan.

 

Agelis mangkin masuci,

Dening suruh tulak,

Mekadi samsam segau,

Antiganing ayam,

Tepung tawar minyak harum.

 

Munggah sagerahan asisir,

Maring pasirian,

Luwir sami sampun katur,

Mekadi suri sunggar,

Cermi nike makesuluh.

 

Lumekas busana raris,

Luwir puniki wastra,

Sadia sampun katur,

Papekek salendang,

Umpale kelawan kampuh.

 

Wusing ngabusana mangkin,

Luwir sagrehan munggah,

Kagedonge ring yun,

Sarwi macecingak,

Ring sami sang pedek rawuh.

 

Nora lian kang kaesti,

Titiang munggah canang,

Ngaturang sesaji sampun,

Mungguing sapelinggian,

Pasepan geni malepug.

 

 

 

 

 

KIDUNG (GITA) TATKALA MATABUH

 

Ngatur petabuhan mangkin,

Luwir toya anyar,

Sajeng mentah berem madu,

Anis lawan arak,

Sami pade katur sampun.

 

Desa kangin gunung sari,

Masegara pudak,

Materagtag menuh,

Matelepok sandat,

Maambal-ambal gadung.

 

Munggah suci saraswati,

Bebek lan lada,

Raka pisang guru,

Saha sedah pucang,

Pengapit bilang samping.

Berbagi :