Serba-Serbi Kepemangkuan Part #6

 NIHAN GAGLERAN RING YAJNA NIGANG SASIHAN / TELU BULANAN

 

Munggwing pemargin nyane pateh sekadi pemargi ngewalinin Dewa Yajna, dane Mangku patut mresihn raga, tur ngargha tirtha lan mekarya tirtha pangresikan sami, sesampune puput kon raris ngilenin pangresikan ring Merajan/ Sanggah, ring Surya mwah ring upakarane sami.

Munggwing upakara nigang sasihin puniki pinih unteng pisan ring sajroning manusa Yajna, taler tigang sasihan punika kewastanin yajna SAMSKARA sang rare, iriki taler sang Rare mapetik, taler kapicayang pesengan / nama, olih bapa ibunya. Taler napak siti / tuwu tanah.

Upakara tigang sasihan / telu bulanan, kemargiang ring natahe mwang ring balene sapisanan, sawusan ring natahe lan ring balene wawu raris ring Merajan / sanggah.

Sesampune dane Mangku puput ngemargiang pangilen pangresikan nyane, laju dane Mangku ngastawa ka Surya.

 

1.      NGASTAWA KA SURYA :

Munggwing pengastawan ne ka Surya pateh sekadi sane sampun kamenggahang ring ajeng.

2.      NGASTAWA SANG HYANG TIGA GURU:

Munggwing pangastawan ne ring Sang Hyang Tiga Guru pateh sekadi sane sampun kamenggahang ring pangilen Dewa Yajna sane wenten ring ajeng.

 

 

3.      NGASTAWA SANG HYANG TIGA WISESA :

OM Ang Sang Hyang Jagat wisesa, metu ta sira maring bayu halungguh ta sira ring bungkahin adnyana sandhi.

OM OM Sri Jagat Guru paduka ya namah.

OM Ung Sang Hyang Antara Wisesa, metu ta sira maring sabda halungguh ta sira ring tengahing adnyana sandhi.

OM OM Sri Jagat Guru paduka ya namah.

OM Mang Sang Hyang Adnyana Wisesa, metu ta sira ring Idhep halungguh ta sira ring tungtunging adnyanya sandhi.

OM OM Sri Jagat Guru paduka ya namah.

 

 

4.      NGASTAWA SANG HYANG KUMARA :

OM Namah Kumara sad-anana ya,

Siki dwa jaya prati mayaloke

Sad-kreti kanandakara ya nityam,

Namo'stu tasme dwajawara pujitam.

 

OM Rudra-atma kaya prati mayolake,

Brahmanya dewaya sikidwaja ya

Senapratewa dahita ya nityam dewyam

Namo’stu koncadala darana ya.

OM Namah sada-agni ya wiyaka ya,

Namo'sti kajrambha kayajaya nityam,

Sasti-praya ya mala santriyatre,

Namah sadakurkuta namo hana ya.

OM Ya Namo'stu hanganila ya nityam,

Namo'stu widya warada ya loke

Namo'stu rohika wapiya,

Huwah prakase warado namo'stu te

 

5.      ATUR PIUNING SAHA SEHA :

OM Pukulun paduka Bhatara Sang Hyang Tiga Guru Wisesa Sang Hyang Pramesthi Guru, Sang Hyang Kawiswara, Sang Hyang Guru Rekata-naya, Sang Hyang Pangemit Tuwuh, Sang Hyang Panungun Urip, Sang Hyang Kumara-Kumari, makadi Bhatara Kawitan, Hyang Guru Kamimitan, Hyang Ibu Kamimitan, Hyang Bhatara-Bhatari, Hyang Dewata-Dewati, sira Sang Apiturun, Sang Dumadi ri sira si bajang bayi, Manusan nira handa sih waranugraha pukulun.

Manusan Nira anembah angadakaken yajna nigang sasihan sira si Bajang bayi, henak ta sira pada tumedun, pada malingga malinggih ring rwaning kukus arum, kairing antuk Dampati, sanak putunya, widhyadara widhyadari, panglurahan agung alit, kala sedhahan mekabehan.

OM Siddhir astu ya namah swaha.

OM Prenamya Bhaskara dewam,

Sarwa klesa winasanam.

Prenamnya aditya-siwartham,

Bhukti mukti wara pradam.

 

 

6.      NGATURAN TOYA LAN PASUCIAN :

Munggwing pengastawan nyane pateh sekadi sane sampun menggah ring dudonan ngawalinin Dewa Yajna, ring ajeng.

 

7.      NGASTAWA SESAYUT :

Munggwing pengastawan sesayut, taler pateh sekadi pengastawan sesayut sane sampun kamenggahang ring ajeng.

 

8.      NGASTAWA SANG CATUR SANAK :

OM Kaki Siwagotra, Nini Siwagotra, sira hangatag sanak ingsun kabeh, Iwirnya : Anta pretha Bhuta Kala Dengen, Anggapati, Prajapati, Bhanaspati, Bhanaspatiraja, Babu Abra, Babu Lembana, Babu Sugyan, Babu Kakere, I Sair, I Mokair, I Makair. I Selabir, hakona metu kabeh, mabresih, alukata atepung tawar pareng lawan sanak kira den rahayu, Poma, poma, poma.

 

 

9.      NGASTAWA BAJANG :

OM Sang Kursika, Sang Gargha, Sang Metri, Sang Kursya. Sang Pretanjala, I Malipa, I Malipi, pinaka bapa bajang, Babu bajang, Bajang simbuh. Bajang Dodot, Bajang Kunir, Bajang Deleg, Bajang Julit, Bajang Yuyu, Bajang Sapi, Bajang Kebo, Bajang Heleng, Bajang Kurkuta, Bajang Lelawah, Bajang Kalong, Bajang Papah, mwah sakwehing ingaraning Bajang, wus ta sira pada hamukti, mulih ta sira ring desanya. Syah, Syah, Syah.

 

 

10.  MANTRAN JEJANGANAN :

OM Pukulun Kaki Hamong, Nini Hamong, Babu Banglong, Babu Abra, Babu Sinang, Babu Maranak. Babu Anjuroni, Babu Anungkurat, Babu Wisesa, Babu Dadukun Sabhumi, Babu Gedobyah, Babu Surastri, Babu Suparni, Ingsun handasih kreta nugrahan-nira, handa hanjangani si bajang bayi. Iki tadah sajin nira, liwet kacang satingkeb, lawan jangan sangiyu, manawi wenten kirang luput ipun. Den agung ampurane manusan nira, enak ta kita pada amukti sari, lawan sanak kira kabeh, alik kang sun hangaturaken, agung kang sun haneda, handa hangluwarana sakwehing si Bajang Lara Rogha, sanut sangkala, danda upadrawan ipun, balikakna wongen dena becik.

Sampun sira mebengin, sampun sira hanyetut, sampun sira hanggites, balikan sira hamongan dena becik, sunganahenaking amangan, enaka aturu, enake hameng-hamengan, Katekana jejaka, warasa dirghayusa paripurna.

OM Siddhir astu ya namah swaha.

 

 

11.  NGASTAWA BANTEN PENGAMBIAN :

OM Sang Sapta Patala, Sang Hyang Sapta Dewata, Sira Sang Hyang Besrawana, sira Sang Hyang Tri-nadi Panca Kosika, Sang Hyang Premana, mekadi Sang Hyang Urip, sira hamagehaken ri sthanan nira sowang-sowang pakenaning hulun hangewruha ri sira, nanda raksanen den rahayu, handa urip warasa dirghayusa paripurna sang inambian. OM Siddhir astu ya namah swaha.

 

 

12.  MANTRAN PENYAMBUTAN :

OM Pakulun kaki Sambut, Nini sambut, tanedanan sambut agung, tanedanan sambut alit, yan lungha mangetan mangidul mangulon mangalor, bayu premana muwah atmanya si bajang bayi, tinututan dening prewatek Dewata nawa sangha, pinayungan kala cakra pinageran wesi, tuntun ulihakna maring awak sari ran nira si bajang bayi.

OM Sang Bang Tang Ang Ing Mang Sing Wang Yang Ang Ung Mang Om.

 

 

13.  NGANTEB BANTEN ANTUK TRI BHUWANA STAWA :

Munggwing pengastawane pateh sekadi pengastawan Tri Bhuwana sane sampun kamenggahang ring ajeng.

 

 

14.  NGANTEB BANTEN SOROHAN :

OM Pukulun sang Hyang Siwa Catur Mukha Dewabhyuha sira ta bhagawan Ratangkup, sira ta pukulun angeseng lara Rogha, makadi ipyan hala, sot sategempung muksah hilang tan pasesa, den nira sang Hyang Siwa Catur Mukha Dewa bhyuha.

OM Siddhir astu ya namah swaha.

 

15.  NGAYAB UPAKARA KE LUHUR :

Munggwing pengastawane pateh sekadi pengastawan sane sampun ka menggahang ring ajeng.

 

 

16.  PANGILEN :

Sesampune puput ngayab ka luhur, raris kon ibunyane mangda ngambil pusuhe sane ring ayunan nyane, ibu sang Rare kon ngendong / nyuwun pusuhe punika, si bajang bayi / rare ne ka gendong antuk wong lianan saking reraman nyane, sesampune punika pada kagamel, tumuli raris ngadeg ring samping lesunge, saha tatabin ikang rare saha anak-anakan nyane banten ring duwur lesunge punika.

 

MANTRA ;

Ih si Bajang Susila, si Bajang Weking, heling sira ri tadah sajin nira, apan kita angawe hala hayu Hulihakna atmaning janma manusa ne manih, haja sira mwah maniwastu pukulun siddha rahayu, seger oger, urip warasa dirghayusa, tunggunen rahina dalu. Manawi kirang tadahan nira, den agung ampurane si bajang bayi. OM Siddhir astu ya namah swaha.

 

Sesampune puput ketatabin, raris tepung tawarin lan siratin tirtha ne sane ring bebanten punika ring sang rare miwah ring anak-anakan nyane sami. Sesampune puput, raris kon ngilenin lesunge punika maileh katengen (kanan), munggwing dudonan nyane taluhe ring ajeng, wus punika anak-anakanne / pusuhe, wusan punika batu ne, wus punika sang Rare saha makta tungked bungbungan ne.

 

MANTRA:

Hangiderana sawawu pada sawawu, anak kira si Tunggul ametung, putun nira si Kalang Jarak, sira anak-anakin balego, ingsun anak-anaking pusuh, sira anak-anaking pusuh, ingsun anak-anaking antelu, sira anak-anaking antelu, ingsun anak-anaking watu, sira anak-anaking watu, ingsun anak-anaking manusa.

 

Ngiderang lesung punika maka prelambang proses / sulur kawentenan nyane sang Rare, Lesung saha madaging bun-bunan maka prelambang weteng (perut), taluh prelambang sperma, sesampune sperma punika bertemu / awor, menados mangkin rah / darah, sasuwen-suwen dados kentel, kaprelambangin antuk batu, sasuwen-suwen marupa anak alit / manusa, kaprelambangin antuk pusuh, anak alit sane kari telengin garbha / weteng kewastanin rare pusuh.

Sesampune ngilehang lesunge, raris lukarin bhusana sang Rare, tur siramang ring pane ne, taler rawuhang ring anak-anakan pusuhe punika lukaran busanan nyane, taler siraman ring panene, sesampune puput raris gentosan bhusana sang rare, manut tetagihan nyane.

Sesampune puput, raris dane Mangku natabin sang Rare banten pangresikan nyane, kapertama tatabin banten Bayakaone, kaping kalih tatabin banten durmanagala ne, kaping tiga tatabin banten prayascitta ne, kaping empat tatabin raris banten pangulapane, saha eteh-eteh nyane sami kamargiang. Sesampune puput raris natab sambutan nyane sane ring natahe punika.

 

MANTRA :

OM Pukulun Kaki Prajapati, Nini Prajapati, Kaki Samantara, Nini Samantara, Kaki Citragopta, Nini Citragopta, ingsun handa nugrahan nira, handa anyambuti si Bajang Bayi, minawi wenten kari premana mwang atman ipun anganti ring pangiring samudra ring telengin udadi, mwah ring sangkan parannya, sambut hulihakna maring raga walunan ne si Bajang bayi, siddha pepek paripurna maring awak sariran ipun si Bajang Bayi.

OM Siddhir astu ya namah swaha.

 

Sesampune puput ketatabin, raris ilenin banten penyambutan nyane punika, ambil sesarik nyane lan tatebus nyane, wehin sang rare. Sesampune puput pangilene ring natahe, raris kon sang Rare taler bapa ibu nyane, munggah ring balene, tumuli raris dane Mangku ngalukat sang rare, sadurunge jaga ngalukat, elingang linggihang Kala sang Rare ring cangkem, atmanyane ring bhrumadhya, Dewan nyane ring Siwadwara, wawu raris kalukat, yan manut lontar Anggastya Purana, yan ngalukat wong / manusa, patut ngange panglukatan Puja Srawe, Astu Pungku, mwah panglukatan panyaddha malan. Sesampune puput kalukat, raris kon sang rare ngaturan sembah manut parikramaning sembah.

Sesampune puput, raris tatabin sang rare tatebasan bayu rawuh sahi, tur ilenin, wus puput mawali tatabin banten tatebasan pangenteg bayu, tur taler ilenin, wus puput raris tatabin sang rare banten ayaban nyane saha sambutan nyane sane magenah ring balene.

Sesampune puput raris wehin sesarik saha tatebus nyane;

 

Mantran Sesarik :

OM Purna bayu, purna atma, purna jihwa, purna Surya

Purna Candra, mangkana purnane pun manusa nira

Den kadi langgenganing surya Candra, mangkana

Langgengan ipun manih, ring madnya pada.

 

Wehana Sesarik :

Ring Muka /rahi    : OM Sri Sri Yawe namah

Ring Bahu Kanan : OM Anengenaken bagia phula

  kreti

Ring Bahu Kiwa    : OM Angiwakakna pancabaya

  lara rogha

Ring Punuk            : OM Angungkurana sot papaning

  wong

Ring Bahong          : OM Angarepaken bagya

  phulakreti pasesangon.

Ring Tangkah        : Anganti-ati Sabda rahayu.

Ring tangan kalih   : Ananggapana Sri Sedhana

  phalaboga.

 

Wehana tatebus / tatebusin :

Mantra Tatebus :

OM Kawelasana den nira Sang adi-dumadi,

Kawelasana denira sang ngawewehin,

Sang apiturun, kawelasana denira Bhatara mwang manusa,

Saking lor saking kidul, welas asih ring pun si bajang bayi.

 

Pangilen nyane : Ring Tangan, Ring Siwadwara, Ring Kama.

 

Mantra :

OM Wehaning raga dirghayusa, langgenganing angapusi balung pila-pilu, hangapusi atma jiwitan-ipun.

OM Sidihrr astu ya namah swaha.

 

- Puput -

 

 

Sesampune puput ring balene, wawu raris upacarane kemargiang ring Merajan/Sanggah, munggwing pangilen upakarane ring Merajan pateh sekadi ngilenin dadudonan ring Dewa Yajna. Sakewanten rikala jaga ngilenin ring sang Rare, mangdane taler ke astawayang kawentenan sang Catur Sanak sang Rare. Maka unteng upacara ne ring Merajan, wantah ngawekasang ring Ida Bhatara kawentenan sang Rare, saha nuwur waranugraha, mangda ledang Ida Bhatara ngicenin sinar kasucian tur nuntun sang rare ri sajroning kauripane puniki, dumogi siddha sang Rare ngemangguhang kerahayuan, tur Prasiddha manut sekadi pengaptine ring Putra Susrusa.

Berbagi :