Gaguritan Dalem Sidha Karya
PURWAKA
“PUPUH GINADA”
PAKULUN
HYANG KAWISWARA
LAWAN
HYANG SARASWATI
PURUN
TITIANG PRESANGGA
NGOJAH
KARDIN HYANG WIKU
ANGGEN
PENUNTUN AGAMA
SANE
LUWIH
MAKA
SEDANA PUNIA YADNYA
“PUPUH DURMA”
OM
SWASTIASTU PURWEKATA ATUR TITIANG
MOGI
SIDA MANGGUH TREPTI
TITIYANG
SANTI BEBRANANGAN
PEDEK
PERENAMIA MARENG GITA
MOGI
SIDA MANGLEDANGIN
GUNG
AMPURA
UTAMA
YE KANG INAPTI
“PUPUH GINADA”
1.
NE
PACANG MUNGGUH RING GITA
SANG WIKU LUWIH UTAMI
MAWIT SAKING JAWI DWIPA
BRAHMANA KELING KASENGGUH
TUHU IDA PASCAT PISAN
RING SEDAGING
SASTRA AJI MAKABEHAN
2.
MANGKIN
IDA PACANG LUNGA
NYELEHIN LAMPAH I BELI
KOCAP MARING BALI DWIPA
SAMPUN JENEK MADEG AGUNG
NANGING IDA DURUNG TATAS
JAGAT BALI
DIJE KE NIKA MAGENAH
3.
WUS
IDA NYURYA SEWANA
DIGELIS RARIS MEMARGI
MANUT BAWOSE RING SUNIA
KELOD KANGINE KADULUH
SAGET ANA ALAS JIMBAR
ANAK LINGSIR
MASANEKAN MAREREPAN
4.
TANDUGI
RARIS NYUMPENA
HYANG SIWA LEDANG NEDUNIN
MAWOSANG SEMETON IDA
RING BALI PURWA MALUNGGUH
GELGEL PURA MAKA NGARAN
BUDAL RARIS
MANTUK MARING SIWA LOKA
5.
SANG
BRAHMANA KAPUPUNGAN
LEDANG KAYUNE TAN SIPI
RARIS NGATURANG SEMBAH
BETARA SIWA KE ASTU
TUHU RATU LINTANG SWECA
TITIYANG NGIRING
SATITAH SINGGIH BATARA
“PANGKUR”
6.
TAN
KEWARNAN LAMPAH IDA
KACARITA KAWENTENAN RING BALI
KETITAH ANTUK SANG PRABU
DALEM WATURENGGONG NGARAN
JENEK MARING GELGEL PURA PUNANG DATU
TUHU ASIH LINTANG SWECA
SINUNGSUNGIN PANJAK SAMI
7.
BAWOSANG
RING GELGEL PURA
IDA DALEM MARUMANG PARA PATIH
RING PASEBAN IDA LUNGGUH
KASARENGIN BAGEWANTA
PARA SUTRI, MAKE SAMI JANGKEP SAMPUN
IDA DALEM MENGANDIKA
KADULURIN PANGAN JALI
8.
WADUAN
INGSUN MAKABEHAN
WARAH AKENA KEHANAN NEGARI
LAMAKANE INGSUN WERUH
DANE PATIH MATUR BANBAN
KANG NEGARI, YUKTI KERTA TAN PAKEWUH
LEDANG IDA MIARSAYANG
TAN DUGI RARIS MANYAWIS
“GINANTI”
9.
MANGKE
ANA IDEP INGSUN
RENGEN KENA APANG TELING
BIPRAYA MANANGUN YADNYA
PANGENTEG LINGGIH KANG MAMI
SIDA AJEG KANG NAGARA
SUKERTA RAWUH KAWINGKING
10. YAN SAMI UWUS SAIGUM
NYUNGKEMIN PUNANG PAKERTI
REHNING IKI YUKTI RAHAT
KADIAYANG PUNAPA KANG BUDI
MAKESAMI MATUR BANBAN
SINGGIH RATU TITIANG NGIRING
11. IDA DALEM MAPAUNGU
RING ANGAN IDA SANG RESI
SIGRA RATU MIYARSAYANG
SADAGING YADNYANE PUNIKI
MANYAWIS SANG RESI ALAD
JANI BAPA MANGAWITIN
12. NGENTEG LINGGINE KAWUWUS
NGENTEGANG LINGGIH BHATARI
SIDA JENEK RING PRIYANGAN
NODYIA MANUSANE SAMI
SANDANG PATUT LAKSANAYANG
REH IDA PRAMANAN GUMI
13. WIWITANYA MANGKIN KATUR
SANGKANING TRI RENA YUKTI
DEWA RESI LAN PITARA
TONG DADI BAAN NGELIDIN
DEWA RENA NE KA WEDAR
UTANG URIP RING HYANG WIDHI
14. RESI RENA MANGELANTUR
UTANG RING GURU SUJATI
UTANG AJI KAWERUHAN
TAN SIDA PACANG NYASAPIN
TALER YADNYA PACANG MUPUTANG
RESI YADNYA MAKA SAMI
15. PITRA RENA NE KAWUWUS
UTANG RING PITARA JATI
YAYAH IBU MEKADINNYA
PITRA YADNYA MAKA TITI
YAN HANA TONG MANGIDEPANG
YUKTI MANUSA DUR BUDI
“PUPUH
SINOM”
16. DURUNG PUPUT BEBAOSAN
MATUR DANE GUSTI PATIH
SINGGIH RATU SURYAN TITIYANG
YUKTI WAWU TITIYANG ELING
YAN TAN RATU MAKELINGIN
JANTEN TITIYANG NATAN WERUH
KOTAMANING SANG MEYADNYA
NIKA LUNGSUR TITIYANG MANGKIN
LEDANG RATU
MAPICA RING SIKIAN TITIYANG
17. LEDANG IDA MIRAGIANG
IDEP CENING LUWIH JATI
JANI BAPA MANUTURANG
APANG CENING TATAS UNING
NYUPAT LARA KAPING SIKI
NGARDININ JAGAT RAHAYU
PING TELUNE MANGDA TATAS
YANING MANTUK TAN MAWALI
SAPUNIKU
PALANING, MANANGUN YADNYA
18. AGUNG DOSA YANG NGENGSAPANG
MIRAT DANA KAWASTANIN
BILIH YAN PARICEDA
MANYENGKALEN SANG MEKERTI
DYASTUN NUMITIS PING KETI
TAN SIDA PACANG MANAWUR
KEDEH BAPA MAKELINGANG
PISARATANG SAKING MANGKIN
MAPITULUNG
YUKTI SANGKAN NEKENG TUAS
19. PAREKANE RARIS NIMBAL
WENTEN LUNGSURTITIYANG MALIH
PANCA SWARA NE KAWEDAR
LEDANG RATU MANGESENGIN
SANG RESI RARIS MENYAWIS
“PANCA” LALIMA PUNIKU
“SWARA” MUNYI MAUTAMA
PANEGUL YADNYANE YUKTI
APANG WERUH
JANI BAPA MANUTURANG
20. KAPERTAMA SWARAN WEDA
PUJAN IDA SANG SULINGGIH
GENTE SANE KAPING RUWA
SWARAN KIDUNG KAPING TRI
KAWEWEHIN GITA SANTHI
KAKLENINGAN RARIS NGETUT
GENDONGANE KAPING UNTAT
PINAKA TATENGER GUMI
SANGKAN PATUT
YAN NEPAK TONG DADI NGAWAG
21. MAWALI BAPA NUTURANG
KARYA AGUNGE RING PURI
JALAN NE JANI DABDABANG
IDEP BAKTI APANG NUNGGIL
SANJATA LUWIH SUJATI
NGAONANG SEKANCAN MUSUH
REHNING CEDA IKANG YADNYA
SANGKANING MANAH TAN ENING
WASTU SEPUNG
NGAWENANG YADNYA NIRGUNA
“PUPUH
DURMA”
22. SAPUNIKA PUPUT SAMPUN PEPARUMAN
RING BENCINGAH KOCAP RARIS
PARA PANJAK MAPARIDABDAB
REHNING SAMPUN PANEMAYA
ANGGAR KASIH DINA LUWIH
NGAWIT NEGTEGANG
MACIHNA NANJEB TARING
23. RING PAMERAJAN, PAKARYANE SAMPUN INCAP
SANGGAR TAWANG MIWAH KATIL
ASAGAN LAN PAMIOSAN
SAMI LUNGGUH MANUT GENAH
KAITERIN KLABANG MANTRI
MANUT PURANA
KABAOSANG KLABANG SAKTI
24. SANGGAR TAWANG PINAKA SURYANING KARYA
GENAH MANGASTAWA WIDHI
RING BALE KATIL BAWOSANG
LINGGIH BETARANE WANTAH
MAPUPUL SINARENG SAMI
PACANG MANODYA
SAPOLAH YADNYA SAMI
25. IKALANING PANJAKE NGATURANG AYAH
KANCIT WENTEN ANAK PRAPTI
TUHU DEKIL TURIN NISTA
WASTU ANGEN SANG NGATONANG
PAREKANIN MANAKENIN
NAWEGANG BAPA
APA ALIH TEKA MAI
“PUPUH
GINADA”
26. ANG BAHMANA MUWUS BANBAN
BAPA SAKING TANAH JAWI
SAMETON IDA SANG NATA
BRAHMANA KELING KASENGGUH
YAN JERONE TUHU LEDANG
MANANGKILIN
IDA DALEM NGAJABAYANG
27. PAREKANE NGINGKEL NGUCAP
SADA BANGGI MENYAURIN
SAJA BAPA TAN PANGRASA
MAMUNYI MANGULAH PESU
DIJA UNDUK RATUN TITIYANG
MADWE ARI
JADMA DEKIL KADI BAPA
28. SANG BRAHMANA MENENG IDA
REHNING PAREKANE NGUCI
SAJA BAPA NISTA DAMA
MIRIB TONG TAEN MASULUH
PONGAH JWARI TURIN PANGKAH
TEKA MAI
NGANGKEN SAMETON SANG NATA
29. CUTET TITIYANG TAN NGIRINGANG
PANGIDIH BAPANE SUKIL
SINAH DADI KAKEDEKAN
NGAWENANG PURINE SURUD
LENGEH TITIYANG YAN NGIRINGANG
MANIMPALIN
JADMA BUDUH TURIN PUNYAH
“PUPUH
DURMA”
30. TAN KAWARNAN, DUKA IDA DANG BRAHMANA
KONE BALI DWIPA LUWIH
NGUDA MANUSANE SUGAL
ALUS BAPA MANUTURANG
DULEG CAI MANIMPALIN
TUNA PANGRASA
SAJA CAI TUNA BUDHI
31. PAREKANE, MANIMPALIN SADA BANGRAS
CUTET TITIYANG TAN NGUGONIN
MULIH BAPA KAPONDOKAN
PATILESANG RAGANE TUA
IDUPE NGANTIANG MATI
DE LIU UJAR
AWAK SINTRIG MAPI RIRIH
32. YANING KETO, JANI BAPA MAMUKTIYANG
WIREH CAI KALIWAT BANGGI
SAWEWENGKON GELGEL PURA
WATU GERING TAN MELARADAN
DE PESAN CAI NYELSELIN
YADNYANE RUSAK
SOLAH CAI AGUNG SISIP
33. WUS AMASTU, LUMAMPAH SIRA BRAHMANA
PANEPI SIRING KAUNGSI
PAREKANE TAN NGERUNGUANG
SADA EWER TUR MANYADCAD
ENGGELANG BAPA MAGEDI
PAMASTUN BAPA
DOH PARA LAKAR MABUKTI
“PUPUH
GINADA BASUR”
34. SAPATILAR SANG BRAHMANA
RIMRIM JAGATE PREMANGKIN
SANG HYANG SURYA TAN PATEJA
NANGING SABEHE TAN NGETUT
MAWASTU JAGATE BARA
SEKA SIKI
PAGERUBYUG PANJAK IDA
35. NGANGSAN LAMI NGANGSAT RAHAT
GUMINE KALIPUT SAKIT
TULYA KADI GRUBUG SIYAP
SEGER, GELEME MANGITUT
SEGER SIKI GELEM DADWA
BENJANG MALIH
SEGER KALIH GELEM PATPAT
36. IDA DALEM LINTANG OSAH
MEWEH IDA MIKAYUNIN
GRUBUG GERING TAN PEGATAN
NGAWENANG SUNGSUT RING KAYUN
MANGEN-ANGEN RING PAMEREMAN
DIJA MIRIB,
TUNA YASA KERTIN TITIYANG
37. DAUH DASI SAMPUN LINTANG
SAGET PAREKANE TANGKIL
IDA DALEM RARIS MEDAL
MALINGGIH RING KERTA SAMPUN
KENKEN PAMAN GAGESONAN
TEKA TANGKIL
APA MIRIB NE SEBETANG
38. PAREKANE TAN PAUCAP
BUKA JANGKRIKE KETEBIN
PRAGAT NGUNTUL NGUREK TANAH
IDA DALEM RARIS TEDUN
MAI PAMAN DINI NEGAK
NIRA NYADYA
MADINGEHANG RAWOS PAMAN
“PUPUH
MASKUMAMBANG”
39. SINAMPURA, PURUN TITIYANG MATUR MANGKIN
MOGI RATU LEDANG
AGUNG IWANG TITIYANG YUKTI
NGAWENANG IRATU OSAH
40. YAN BAWOSANG LARANE NIBENIN MANGKIN
WANTAH SANGKAN TITIYANG
IWANG ATUR RING SANG LUWIH
BRAHMANA KELING TAN LIAN
41. REH NING IDA, NGANGKEN SAMETON BETARI
TITIYANG TAN MANGEGA
RARIS MASTU ANAK LINGSIR
GELGEL PURA KABIAH PARAN
42. YENING LEDANG, NYADYA TITIYANG MANANGKILIN
MANGDA IDA PRAPTA
LEDANG DALEM MANAMPENIN
NANGING ANA WANGSIT IDA
43. UDUH PAMAN, MELAHANG JANI MANAMPI
ASING SANG MAYADNYA
PATAPAN TOYANE GISI
YADIN OGAH NGING TAN OBAH
44. KETO PAMAN, MANUT BEBAOS SANG MUNI
GENG YASA GENG GODA
MUSUH AWAKE YATNAIN
SADRIPU, SAPTA TIMIRA
“PUPUH
PANGKUR”
45. SAPUNIKA TAN CERITAYANG
SANG BRAHMANA SAMPUN RAUH RING PURI
SANG PRABU RARIS UMATUR
NUNAS IWANG RING SANG PRAPTA
ATUR BANGGI, PANJAK IDA IWANG MATUR
SANG BRAHMANA LEDANG ARSA
NGAMPURAYANG MAKESAMI
46. RISAMPUNE PADA LEDANG
IDA SANG PRABU RARIS NGELANTURIN
YANING TUHU ARIN INGSUN
SIDA KAJERO MUKTIYANG
WATEK GERING, LARA GRUBUG APANG SURUD
SANG BRAHMANA RARIS NIMBAL
ELAH TITIYANG MIKAYUNIN
47. SANG BRAHMANA NGAREGEPANG
NYIKIANG KAYUN NGUNCARANG JAPA MANTRA SIDI
PANELASAN GERING GRUBUG
SAHA LARANE MAKEJANG
MIBER SAMI, RING AMBARA YA MAPUPUL
PABLESAT NGELOD KAUHANG
KADI BEBEK KASISIHIN
“PUPUH
SAMARANDANA”
48. ANGOB IDA MENGATONIN
SANG BRAHMANA YUKTI WIKAN
MULA ADI TEMPEK ACE
LEGA ACE MANERIMA
ENAK LUNGGUH PEPARENGA
NYAKRA WERDI LAWAN INGSUN
GELGEL PURA MOGI KERTHA
49. MANGKE ANA WARAH BELI
PANJAK SAMI APANG TATAS
BUAT PEJALAN IDANE
NGALAHANG SAHANAN PAPA
LAMAKANING PARIPURNA
SIDA KANG KARYAN INGULUN
MANGKE NGULUN MAPAICA
50. MANGKE ADI KAPASIHIN
DALEM SIDHA KARYA NGARAN
NGAWIT JANI PASTU ACE
TEMUANG RAUH KAWINGKING
ASING SANG MANANGUN YADNYA
TIRTAN IDA PATUT LUNGSUR
NGAKSAMAYANG TUR MUPUTANG
“PUPUH
GINANTI”
51. SAPUNIKA PUPUT SAMPUN
PEMARGIN SANG MARAGA LUWIH
MOGI WENTEN PIKENOHNYA
NIKI SATWA BEKEL NGIPI
YENING IWANG AMPURAYANG
PUPUT ANTUK PARAMASANTHI
“OM SANTIH, SANTIH, SANTIH OM
Posting Komentar untuk "Gaguritan Dalem Sidha Karya"