Serba-Serbi Kepemangkuan Part #7

 IKI GAGLARAN NGAWALININ UPACARA MANUSA YAJNA

 PAWETONAN

 

Munggwing pemargin pangilen pawetonan, pateh sekadi pemargin pangilen ring Dewa Yajna, sekadi sane sampun kamenggahang ring ajeng, dane Mangku patut mresihan raga, ngargha tirtha, mekarya tirtha pangresikan sejangkep nyane, sesampune puput kemargiang / kailenin pangresikan punika. Raris dane Mangku ngastawa Ida Sang Hyang Surya.

 

1.      SURYA STAWA :

Munggwing pengastawan Surya ne, pateh sekadi pengastawan Surya sane sampun kamenggahang ring ajeng.

 

2.      NGASTAWA SANG HYANG TIGA GURU :

Munggwing pengastawan Sang Hyang Tiga Guru ne, pateh sekadi pengastawan Sang Hyang Tiga Guru sane sampun kamenggahang ring ajeng, ring dadudonan Dewa Yajna ne.

 

 

3.      NGASTAWA SANG HYANG TIGA WISESA :

OM Ang Sang Hyang Jagat Wisesa, metu ta sira maring bayu

Halungguh ta sira maring bhungkaning adnyana sandhi

OM OM Sri Jagat Guru paduka ya namah

 

OM Ung Sang Hyang Antara Wisesa, met ta sira maring Sabda,

Halungguh ta sira maring tengahing adnyana sandhi,

OM OM Sri Jagat Guru paduka ya namah

 

OM Mang Sang Hyang Adnyana Wisesa, metu ta sira maring idhep,

Halungguh ta sira maring tungtunging adnyana sandhi,

OM OM Sri Jagat Guru paduka ya namah.

 

 

4.      NGASTAWA SANG HYANG KUMARA :

Munggwing pengastawan Sang Hyang Kumara, pateh sekadi pengastawan Kumara sane kamenggah ring dudonan yajna nigang sasihane. Yan prade sang maweton sampun akupak / kepus untun nyane nenten malih nganggen pengastawan Sang Hyang Kumara, manut indik, yan sampun akupak sang Rare, nenten kari kaemban olih Ida Sang Hyang Kumara malih, sampun Ida amarah-marah desa. Sampunika katuturan nyane.

 

 

5.      ATUR PIUNING SAHA SEHA :

OM Pukulun Bhatara Sang Hyang Tiga Guru Wisesa, Sang Hyang Pramesthi Guru, Sang Hyang Kawiswara, Sang Hyang Guru Rekatanaya, Sang Hyang pangemit tuwuh, Sang Hyang Panunggun Urip, Pukulun Bhatara Kawitan, Hyang Guru Kamimitan, Hyang Ibu Kamimitan, Hyang Bhatara-Bhatari, Hyang Dewata-Dewati, sira sang apiturun, sang adi dumadi, manusan nira handa sih waranugraha pukulun.

Manusan nira handa anembah angadakaken yajna pawetonan sira manusan paduka Bhatara, henak ta sira pada tumedun, pada malingga malinggih ring rwaning kukus arum, kairing antuk Dampati sanak putunya, widhyadara widhyadari, angluraha agung alit mwang Kala Sedhahanya makabehan.

OM Siddhir astu ya namah swaha.

OM Prenamya Bhaskara dewam,

Sarwa klesa Winasanam

Prenamva aditya-Siwartham,

Bhukti mukti wara pradam.

 

 

6.      NGATURAN TOYA LAN PESUCIAN :

Munggwing pangilen ngaturan pasucian pateh sekadi sane sampun kamenggahang ring ajeng.

 

 

7.      NGASTAWA SESAYUT :

Munggwing pengastawan nyane, pateh sekadi sane sampun kamenggahang ring ajeng.

 

 

8.      NGASTAWA SANG CATUR SANAK :

OM Pukulun Kaki Siwagotra, Nini Siwagotra, sira hangatag sanak ingsun kabeh, lwirnya : meraga dewa Bhuta Kala mekabehan, makadi Sang Anggapati, Mrajapati, Bhanaspati, Bhanas-patiraja, Sang Kosika, Sang Gargha, Sang Metri, Sang Kursya, Sang Pretanjala, hakona metu kabeh, mabresih, alukata atepung tawar pareng lawan sanak kira den rahayu, Poma, poma, poma.

 

 

9.      NGASTAWA SAMBUTAN :

Munggwing pengastawan sambutan, taler pateh sekadi sane sampun kamenggahang ring ajeng, ring dadudonan yajna nigang sasihane. Ngastawa sambutan maangge yan pradene sang Rare durung akupak / kepus untu. Yan prade sang Rare sampun akupak / kepus untu, nenten malih pawetonan nyane nganggen Banten Sambutan malih.

 

 

10.  UPASAKSI YAJNA :

OM Pukulun Sang Hyang Tiga Guru Wisesa, Sang Hyang Akasa mwang Sang Hyang Ibu Prethiwi, Sang Hyang Surya Chandra Lintang Trenggana, mekadi Sang Hyang Triyo dasa saksi, Sang Hyang Panca Rsi, Sang Hyang Catur Loka Phala.

Kaki Bhagawan Penyarikan, Nini Bhagawan Penyarikan, Kaki Citragopta, Nini Citragopta, Kaki Samantara, Nini Samantara, Kaki Panyeneng, Nini Panyeneng.

Kajenengane den nira Sang Hyang Tiga Wisesa, kasaksinin den nira Sang Hyang Triyo dasa saksi, ka waranugraha den nira Sang Hyang Besrawana. Manusan nira angadakaken Yajna pawetonan sira manusan nira.

 

Ledang paduka Bhatara anodya, anyaksinin mwah amuputaken yajnan ipun, akedik Kang sun hangaturaken, gung pamilakunya, hamilaku kadirghayusa.

Minawi kirang langkung saturan ipun den agung ampurane manusannya, dumugi tan kakenaning hila-hila mwang upadrawa de Hyang Sinuhun.

OM Siddhir astu ya namah swaha.

 

 

11.  NGANTEB UPAKARA ANTUK TRI BHUWANA :

Munggwing pengastawan nyane, pateh sekadi sane sampun kamenggahang ring ajeng.

 

 

12.  NGAYAB UPAKARA BANTEN KA LUHUR :

Munggwing pangastawan nyane taler pateh sekadi sane sampun kamenggahang ring ajeng.

 

 

13.  NGILENIN PANGRESIKAN RING SANG MAWETON :

Sesampune puput ngayab upakara ne ka luhur, dane Mangku raris ngemargiang pangresikane ring sang maweton. Manut sekadi dadudonan yajna nigang sasihan, jantos puput.

 

14.  NGATURAN SEMBAH :

Munggwing dudonan ngaturan sembah, mangdane manut ring dudonan parikramaning sembah, tur taler nginutin kawentenan upakara lan upacara sane kemargiang.

Sesampune puput ngaturan sembah, tumuli raris tedunan tirtha Wangsuh padan Ida Bhatara, picayang ring sang maweton.

 

 

15.  SANG MAWETON NATAB UPAKARA PAWETONAN :

Munggwing kawentenan dadudonan ipun, inggih punika; Kapertama tataban ipun Sesayut Bayu rawuh Sahi. Kaping kalih tataban ipun sesayut pangenteg bayu ne, taler elingang sadurunge jaga natab banten sesayute sekadi sane kamenggahang ring ajeng puniki, tataban dumun kawentenan banten SAMBUTANE dumun, mantran nyane pateh sekadi sane sampun kamenggahang ring dudonan nigang sasihane. Sesampune puput natab banten sambutan nyane, wawu raris natab banten sesayut sekadi kasurat ring ajeng puniki. Kaping untad / ungkur, raris natab banten pawetonan nyane. Saha wehana sesarik lan benang tatebus nyane.

 

 

16.  NGAKSAMA:

Sesampune dane Mangku puput ngawalinin upacarana. Dane mangku patut ngaturan pengaksama malih ring Ida Bhatara Sasuwun ngaturan pengaksama. tumuli raris ngaturan Ida Bhatara masineb.

 

-Puput-

Berbagi :